انجمن مردمی پاریزەرانی ژینگه ی بانه – (پاژین )تاسیس 1378

پاژین

انجمن مردمی پاریزەرانی ژینگه ی بانه – (پاژین )تاسیس 1378

ئاگادار و پاڕێزەری ژینگە بین!

لقی پاژین لە ناو کۆڕی ئەندامانی گروپی هەڵپەڕكێی نیشتمان دەست بەکار بوو

لە سەر بانگهێشتی کۆڕی هەڵپەڕکێی نیشتمان ، یەک شەممە شەو ٥ لە سەر ٦ی ڕەشەمە ژومارەیەکی زۆر لە ئەندامانی ئەنجومەنی پارێزەرانی ژینگەی بانە” پاژین” سەردانی شوێنی مەشق و ڕاهێنانی ئەو ناوەندەیان کرد.

سەرەتا کاک سەید ئەحمەد تەوەکوولی بەر پرسی کۆڕی هەڵپەڕکێی نیشتمان، وێڕای بەخێر هاتنی ئەندامانی ئەنجومەنی پاژین، وتەیەکی بەنرخی سەبارەت بە کار و چالاکیەکانی پاژین پێشکەش کرد و چاودێری و پاراستنی ژینگەی وەکو ئەرکی هەموان ناوزەد کرد، کاک سەید ئەحمەد وتیان کە ئێمە وەک کۆڕی هەڵپەڕکێی نیشتمان ئامادەگی ئەوەمان هەیە کە بەشێکی زۆر لە ئەندامانمان ببنە ئەندامی پاژین و وەک ئەرکێکی پیرۆز چاوی لێ ئەکەین.

بە دوای وتەکانی کاک سەید ئەحمەد ، ڕەحمان سولەیمانی ئەندامی پاژین،وێرای دەستخۆشی لە بەڕێوەبەران و ئەندامانی کۆڕی هەڵپەڕکێی نیشتمان، وتیان کە هەر کات وشەی نیشتمان دەبیستین ، پۆلێک گەنج و لاوی بە هەست و بە توانا دێتە بەر چاومان کە شانازی و میداڵی قارەمانیان بۆ شار و بۆ گەڵێک خوڵقاندووە.

ڕەحمان سولەیمانی وتی کە ئێوە نمونەی ئەخلاق و کردەوەی جوانن و پیرو جوان، لاو و بە ساڵا چوو ، ئێوە وەک پێوانەی کردەوەی باش پێناسە دەکەن.

سەبارەت بە پەیوەست بوونی ژمارەیەک لە ئەندامانی کۆڕی هەڵپەڕکێ وتیان کە ، ئاوەڕوونکەکانی پاژین ڕوو لە زیاد بونە و ئەوەش بۆ پاژین جێی فەخر و شانازیە کە کەسانی خۆشناو و بە هەست دێنە ناو کار و چالاکیەکانی پاژینەوە.

هەروەها وتیان کە کۆڵەکەیەکی بە هێز و ڕەنگین بە کۆڵەکەکانی پاژین زیاد دەبێت و ئەوەش دەبێتە هۆی دڵگەرمی زیاتری ئێمەی پاژین.

لە کۆتایی دا ڕۆژ ژمێرێکی ژینگەیی پێشکەش بە کۆڕی هەڵپەڕکێی نیشتمان کرا و هەر وەها دەیان بەرگەی ئەندامیەتی درایە دەستی بەر پرسی کۆڕی هەڵپەڕکێ تا ئەندامان پڕی بکەنەوە و بە فەرمی ببنە ئەندامی پاژین.

نووسەر سێ شه‌ممه‌ 26 شوبات 2019 296 بازدید
هاوپۆلی : چاوپێ‌کەوتن و کۆبوونەوە ، هەواڵ
http://www.pajin.org/ku//?p=9845

ئه‌رشیفه‌کان

هاوپۆله‌كان