انجمن مردمی پاریزەرانی ژینگه ی بانه – (پاژین )تاسیس 1378

پاژین

انجمن مردمی پاریزەرانی ژینگه ی بانه – (پاژین )تاسیس 1378

ئاگادار و پاڕێزەری ژینگە بین!

بەشداری کەژوانی پاژین لە هەمایشی شاخەوانی لە چیای هۆینە ماڵی سەردەشت

بەشداری کەژوانی پاژین لە هەمایشی شاخەوانی لە چیای هۆینە ماڵی سەردەشت، بە بۆنەی ساڵیادی کیمیاباران کردنی شاری سەردەشت بە دەستی ڕژیمی بەعسی ئێراق.

پەیامی پاژین و کەژوانانی پاژین (خوێندنەوە:محەممەد شەریفپور) بۆ هەمایشی شاخەوانی چیای هۆینەماڵی سەردەشت بە بۆنەی ساڵیادی کیمیاباران کردنی شاری سەردەشت:

بە ناوی وەدی هێنەری گشت بوونەوەر.

لە لایەن ئەنجومەنی پارێزەرانی ژینگە(بانە) پاژین، سەوزترین سڵاوی ژینگەپارێزیمان ئاراستەی ئامادە بووانی بەڕێز ئەکەین.
هەروەها سڵاو ئەنێرین بۆ گیانی پاکی گیان بەخت کردووانی کیمیا بارانی شاری سەردەشت و هەموو قوربانیانی کارەساتە کیمیاییەکان لە دنیادا.
دەست خۆشی لە بەڕێوەبەرانی ئەم کۆڕە ئەکەین کە توانیان دەرفەتێک بڕەخسێنن تا لە دەوری یەک کۆ ببینەوە.
هەر وەک ئاگادارن پرسی ژینگە لە جیهاندا پرسێکی سەرەکییە و بە هۆی ئەوەی کە کەمتەر خەمی زۆر کراوە لە بابەت پاراستنی ژینگەوە شاییدی کارەسات گەلێکی زۆر هەین بۆ لە ناو چوونی ژینگە.
ئەم پرسە پرسێکی گشتییە و هەمووان بەرپرسن لە مەڕ ئەو بابەتە.
پێویستە هەمووان دەست لە ناو دەستی یەک هەوڵ بدەین بۆ فەرهەنگ سازی و جێگیر کردنی فەرهەنگی ژینگەپارێزی لە ناو کۆمەڵگا تا لەوە زیاتر جەستەی نیشتمانمان زامدار نەبێت.
هەروەها ئەگەر ئێمە خۆمان بە خەمی خاک و نیشتمانی خۆمانەوە نەبین کەسانی دەرکی خەم لەم ئاو و خاکە ناخۆن، کەواتە ئەبێ خۆمان ساڕێژ کەر و مەڵهەم بین بۆ برینەکانی خۆمان.
هەر لەم ڕێیەشەوە ئیدانەی هێرشی کیمیای سەر شاری سەردەشت ئەکەین کە بە دەستی ڕژیمی لە ناو چووی بەعسی ئێراق ئەنجام درا و بە هۆیەوە خەڵکانێکی بێ گوناح گانیان لە دەست داو و خەسارێکی زۆریش بە ژینگەی ناوچەکە گەیووە و ئاسەوارەکانی تا ئێستاش هەر ماوە.
ئاواتە خوازین کە لەم جۆرە کارەساتانە جارێکی تر لە هیچ شوێنێکی ئەم جیهانە پان و بەرینە دووبارە نەبێتەوە و گیانی مرۆڤەکان و بوونەوەرەکان و ژینگەش نەکەوێتە مەترسییەوە.
هەروەها داواکارین کە ڕیزەکانمان پتەو بکەین تا دەستکەوتی زیاترمان هەبێت لە مەڕ بەدیهێنای ئاوات و ئامانجەکانی کۆمەڵگا و نیشتمانەکەمانەوە.

بە سپاس و ڕێزی بێ کۆتاییمانەوە:
ئەنجومەنی پارێزەرانی ژینگە(بانە) پاژین

 

نووسەر هه‌ینی 26 ئایار 2017 507 بازدید
هاوپۆلی : لێژنەی وەرزش ، هەواڵ
http://www.pajin.org/ku//?p=6599

ئه‌رشیفه‌کان

هاوپۆله‌كان